Kawlram ah Academy laksawng 2013 cu December 27, 2014, Myanmar Event Park Hall, Yangon ah an pek. Laksawng a hmumi cu minung paruk an si. Cu hna cu Director Wyne, Actor Pyay Ti Oo, Actress Wut Hmone Shwe Yee, Supporting Actor Min Oo, Supporting Actress Khine Thin Kyi le Music Piano Tin Win Hlaing hna lawng an si.
 |
| Zalonnak nan timi cu hi maw a si tiah a zoh ko hna. Hmanthlak: BBC Burmese |
Tukum 2014 tuahmi 2013 ca Academy laksawng cu Kawlram Film phu tawlrelnak in cozah tel lo a voikhatnak an hun pek ṭhan mi a si. Sihmanhsehlaw kum dang bantuk in lung diriam ti a um hlei lo.
Mi cheu khat ruahnak ah cun Director Wyne cu voikhat hmanh Academy a hmu balmi a si lo. Hmuh awk ah a zohtu nih an i ruahchan lengmang nain a hmu bal lo. Tukum cu Kawlram Film phu nawlngeihnak hmasabik an pek kum a si. Atu tan i a hmuh lo cun hmailei i a chim hnga dingmi bia ṭih ah pe hna seh law a dawh. Cun Supporting Actor Min Oo le Actress Khine Thin Kyi zong hi a thiammi an si. Nain Academy an hmu bal lo. Peknak nawl an ngeih lio ah pe ve hna sehlaw cu ko cu a zohtu mit ah a um.
Cun a biapi bik Actress zong hi kum khat chungah Academy laksawng nuleva nih co ding le nau pawi bu in hlam ding an hmai sawng hna sehlaw a lo. Cu ruangah a tharte a si mi Wut Hmone Shwe Yee pe hna sehlaw a dawh fawn. Actor zong hi mitam u ruahnak ah cun Nay Toe nih a hmuh lai tiah an ruah mi a tlin lo tikah biasiphai a tam khunnak a si.
A dangdang Academy laksawng pek lo mi kongah Kawlram Film Phu mawh phurh an si ngai. Nawlngeihnak lawng duh, tuanvo ngeihmi cungah tuanvo lak khawh lo ti a si than. Academy hmu ding in an i ruahchan ngai nain zeihmanh a um lo tikah an ruahchannak a dong ngaingai.
Ralkap cozah chan lio ah cun cozah nih anmah duh in an pek hna an ti. Atu zalonnak an pek hna ah le laksawng pek mi cungah an lung a tling ṭhiamṭhiam lo. Zeitik ah khin dah zapi lungtling in an pek te hna hnga?
No comments:
Post a Comment
Na hmuhning a tangah rak ṭial khawh a si.
Kan ruahnak i cheu cio hna usih.