Laica cu 1897 ah Newland nih a rak kan tuahpiak.
Cucu an zulh lengmang i atu ah cun CACC nih an hun chan. Cu chung vialte i an
hmanmi a hrampi cu Laica ti a si. Kan Baibal ca zong Lai Baibal thiang
tiah min an rak pek.
Atu liote hi Laiholh le Laica a hmang mi hna
nih kan ca kan cawn khawh cang lai tiah kan tha nuam ngai. Cu lio ah kanmah
lila nih kan ca Laica cu Hakha Chinca kan ti ahcun cucu ruah awk ngai in a um
cang. Uktu le nawlngeitu hna sinah cawnnak nawl pek ding in hal mi hi Laica si loin
Hakha Chinca maw a si hnga timi a si.
Hakha Chinca timi hi Kawlca kan leh chommi a si
kho men. A va si hmanh ah Laica kong a si caah Hakha Chinca timi cu Laica cun
Laica tiah leh ding a si ko hnga. A ruang cu a hram kha Laica kong a si caah le
Laica in tialmi a si caah a si.
Laica kan ti tikah micheu nih biahalnak le
alnak zong a um kho men. Sihmanhsehlaw Laica timi kong ah cun a hram kha Laica a
si caah ruah a phu ko. Nain Hakha Chinca timi cu a hram kha Laica a si lo caah
meeting cu sisehlaw ceihlo ding ah thlak ding phun a si ko hnga.
Laica kong kan ruah ah cun Laiholh kha hram
bunh in kan ruah ve awk a si. Mirang ca asiloah Kawlca tibantuk hram kan
bunh i kan i cawnpiak a si ahcun kan i harh ngai rih ko lai. Mirang ca he kan
tahchun i kan cawn ahcun Laica thiamnak dingah Mirang ca kha thiam hmasa a hau
hnga. Cun Laica cu sullam tling in kan hmu kho ti hnga lo i a thlum alnak kan
tep kho ti hnga lo.
Media catial mi hi a sawhsawh te a lo nain
hmual a ngei tuk. Kan i ruahchan mi ah namneh zong a fawi i zeimaw kan
daithlan mi kong ah biahram laknak zongah hman a fawi te. Cubantuk ruang ah tih
zong a nung. Palh cu a phung a si ko nain palh lo kan i zuam a hau.
A si hrim kan ti hnga maw? Laica timi longnak cun Hakha Chinca ti cu a fiang deuh kho men. Pu Lian Uk kalpi ning in zoh ahcun Laica ti long incun Mitu holh maw, Mara holh maw, Senthang, Zotung, Zophei, Falam, Tidim, Mindat holh maw etc... tiah an chim duh mi le cawn taktak ding theih khawh a si hnga lo cu ta ti ko hna u sih.
ReplyDeleteAa khatmi an si ko e. Buai ding zeihmanh a um lo. Kanmah nih Laica ttha te in kan ttial thiam hmasa kha a biapi deuh. A tanglei link ah hin CACC nih an chuahmi ka rak tar, biafang komh dingmi tete kong zong aa tel.
ReplyDeletehttps://docs.google.com/document/d/1gtawzvhNQWlB43Um1ZAJUhd0tOrTH437yCCR2RS7cgU/edit?pli=1
Lai Ca cu Lai ca si ko ko.Lai timi chung hin HakhaPeng Thantlang Peng, falam peng vialte an i tel. Hakhca chin ca ti ah cun Thantlang Chin Ca zong a um ve lai. Falam Chin Ca zong a um ve lai , Tedim Chin Ca zong a aum ve lai tinak si. A sullam cu Myo pakhat holh pakhat. Lai ti ahcun miphun si. Lai Ca cu Laimiphun nih kan ca a si.
ReplyDeleteMah Lai hawi sin ahcun Laica kan heiti ko nain atu Hakha Chinca an hmannak hi cu Uktu kawl bawi sinah an halmi a si tikah Kawl pawl thieh fiannak ding caah Hakha Chinsa tiah an hmanmi kha Lai holh in leh tikah Hakha Chinca ( Chinsa kha Chinca)tiah an hmannak chan a si lai tiah ka ruah.
ReplyDeleteMah kong te cu kalung a kasuk ngai ve kawlholh an leh hmanh ah kawpawl caah an leh ttung lo lai mi caah pei an leh ko cu, curuang ah Chinsa tihmanh in kawl nih tihna hmahseh law kanmah lai mi theih dingah cun Laica tiah ti ding si ko Chinca ti cu a ziah tal zeitin hme an i ziak hnga?
ReplyDeleteI belong to Falam speaking group, but I agree with "Laica" as long as the term "Lai" is inclusive for all the tribes and clans of Chin within or without Myanmar. Unfortunately, we have been experiencing that both the Falams and the Hakhas try to monopolize the term "Chin" for their sake alone, while the Tedims grasp the term "Zo."
ReplyDelete