 |
| Ralpi 2nak lio i Kawlram ah an rak phumtak mi Mirang raltuknak vanlawng Spitfire phun |
Vawlei ralpi 2 nak lio i Mirang nih vawlei tangah an rak phum tak mi raltuknak vanlawng Spitfire tuah 20 cu Kawlram cozah he bawm in hlai ṭhan ding hnatlaknak an ngei tiah Mirang bawi pawl nih an chim.
1945 ah Japan ralkap cu Kawlram ah an rak luh tikah Mirang cu an rak tli dih. Cu lio ah Mirang ralkap raltuknak vanlawng Spitfire ser rih lo kuang in chiahmi tuah 20 cu Japan nih an rak sawksam dih sual lai asiloah an hman sual lai ti phan ruangah vawlei tangah an rak phum.
Ral a daih ka ah an rak phummi thil cu hlai ṭhan ding ah an rak philh sual. Cun ralkap uknak tangah Kawlram cu caan sautuk a um caah hlai lo in an rak umnak a si.
Atu lio ah Spitfire vanlawng a zuang kho rih mi cu vawleicung ah 35 hrawng lawng a um cang lai tiah an ti.
Hi kong he pehtlai in Mirang vunci David Cameron Kawlram a tlawn lio ah president Thein Sein he biaruah ṭinak zong an ngei.
Ch: BBC
No comments:
Post a Comment
Na hmuhning a tangah rak ṭial khawh a si.
Kan ruahnak i cheu cio hna usih.