Hlasa Dawt Hlei Hniang he chatting ah chikkhat!

Salai Lian Biak Hu

Hu: Na dam maw? Na thawng kan theih lonak a sau ngai, Malay lei in kan rak in ngaingai cu...

Hniang: Si, ka dam liote si, a si hrim! kei zong kan ngai tuk ve hna.
 

Hu: Hakha thawngpang a tha ko lo maw?

Hniang: A tha ko.
 

Hu: Internet tah nan thu kho pah tawn maw, Hakha ummi hi?

Hniang: Kan thu kho tuk lo ee... connection a tha pah lo i...

Hu: Internet cafe hi tah hmun zeizat sat dah Hakha ah hin a um ve cang?

Hniang: Hmun 7 ah a um.
 

Hu: Mei tah a tha ko maw, seh dah an hman deuh?

Hniang: Seh deuh in a si ko.
 

Hu: Kan nih lei cu Youtube zong a ngah i na hla hi Internet cafe ah kan ngai pah lengmang. Mei kong ah cun kan phang ti lo.

Hniang: Aw! si tak ee...

Hu: Kan hnu lei i hla nan chuahmi kha kanrak hmuh, kan rak ngai lengmang ve, BAGUS kan ti cio.

Hniang: Hehe... si maw, cu ti si ahcun kei zong, Terima kasih!!! ti si maw cu???

Hu: Zeitin dah nan chuah ning a si?

Hniang: Aaa...! Pu Moses le a chung khar nih nangmah lawng (takudaw) khuai chuah
kan duh ee an ka ti. Mah cun, na duh ning te'n nangmah nih rak tawlrel law Band a si ah studio a si ah na duhmi te rak fial hna an ka ti i mah cucun kan hun chuahkhawhnak hi a si.

Hu: Kum zeizat sat dah nan rauh?

Hniang: Kum hnih deng kan rau rua ee, tu kha. A van chuah taktak he khan cun kum hnih bak a si ko khah!

Hu: A si tak e! Tangka lei ah tah zeitluk dah nan dih, a tam pah lai dah?

Hniang: Tam rilmal ko hen taa.... A zapite hin ting 60 tluk cu a dih lai dah ka ti.

Hu: VCD/DVD zong nan thlak i nangmah nih maw tuanvo na lak dih ko?

Hniang: A si lem lo, Samuel Hrat Hmung he kan i bawm.

Hu: Hla na sakmi pawl hi hla hlun deuh an si hna i ngaih a nuam khun. Nangmah nih maw na thim an thimmi dah na sak?

Hniang: Aw..! a si mah khakha, Pu Moses he kan thimmi pawl an si. Hla hlun deuhdeuh chung in a thami pawl a thim hna i kei cu hla thar deuh pawl lawng kha ka thimmi an si.
 

Hu: Hla aw tete zong na thlenpah mi a lo, cun a bia zong, zeimaw kate ahcun kan rak theihning a si lo mi a um pah?

Hniang: Aw, a si, ka khathnih tete cun. Hla aw tu cu pa Herh nih aa dawh deuh ning in a vun ka remh bia khi si.
 

Hu: "Zuun Ngaih Hla" timi ko kha kan uar bik ti phun in a um. A khansa mite a si ko lai an ti, zeitin?

Hniang: HeHe... Pathian nih cun a theih ko....
 

Hu: An bawmtu hna kha tah nangmah nih maw na rak i thimmi an si?

Hniang: Aw, kan hei ti ko lai ta.

Hu: Nang mah lawng bak nih na sak rua kan ti cu.

Hniang: A tam deuh cu kei mah lawng ka si ko. Fung khathnih ah khan an ka bawmh i si.

Hu: Hla cheukhat ah cun na aw a lo lo kan ti lengmang i thate kan rak zoh cu a si tak ko, nain zei mawchel ah cun an min aa tial lo i kan buai ngai tawn cu.

Hniang: Aw, si maw? A fiang ngai ko nain. An chim zawl tling... ti mi ah khan kei mah le Zung Iang le Ni Hlei Sung kan si. Cun “Ka tuar kho lai lo” timi ah khan... a verses ah khan Ni Hlei Sung a si i. A chorus ah khan kei mah ka si. Mah cu lawng cu a si ko. A dang kha cu kei mah lawngte nih ka sak dih ko.

Hu: Hla hi tah cawk a um maw? Cun lemcang pawl kha tah tangka phalh a um maw?

Hniang: Hla hi ka cawkmi a tam deuh. Lemcang pawl tu hi cu dawtnak in bawmh ka hal hna i an ka bawmh mi an si, a ruang cu a ka dawmi ka hawi le lawngte an si deuh...
 

Hu: DVD zoh tik zong ah hin chanthar a dawi ngai in hmuh a si, RAP zong nan hun telh i tha ngai. A laam mi hna zong kha an thiam bak khah!

Hniang: Aaa! si hrim ko, mah kha te nih khan ka khuai hi chanthar a hun dawi pi tiah ka ruah ve, ka lung si taktak ve. Dawtnak in a ka bawm tu ka nau le zong an cung ah kaa lawm tuk.
 

Hu: RAP hi tah zeitin na hmuh?

Hniang: Chantiluan nih a kal pi ve mi a si ko i, a herh ve ko ka ti cun ngeih ka huam mi phun tete zong cu an um pah ve ko.
 

Hu: Laimi cu slow gogo deuh kan i ziak ko rua. Nang na uar phun hla aw hi tah?

Hniang: Kei ka uar phun tu cu, a phunphun khi a si ve ko nain ka aw he aa tlakmi cu slow deuh cu a si ve hen ta...
 

Hu: Hla hi fung zeizat dah na sak cang hnga, Tape cung ah tibia? Na phanmi hi tah?

Hniang: Tape chung i ka sak mi hi cu a tam ngaingai cang ko. Zeizat ti hin cun ka thei kho deuh lo e, hla tu cu ka phuah bal bak lo hih. Tuan deuh ah khan kei mah min an bunhmi a um. Bawi Vung nih Kawl hla in a tial i Laiholh in ka leh piak sawhsawh bia tu khi a si ko lo ma. Atu VCD chung i Liam Tuan Law Zuun Ngaih Caan... timi hla khi a si ko hen cu.

Hu: Kan hnu kha Australia ah na kal ti kan rak theih ve, na tlam tling ko lo maw?

Hniang: A tling ngai ko. Melb. ah show voihnih., cun Adel. ah voikhat. Cun VCBC Church ah hin mino pawl kha thangthatnak hla ka chim pah hna, cun tintaan tlawmpal ka pe hna, mah vial cu ka tuah khawhmi a si ko hen cu.

Hu: Malaysia zong na rak phan bal cang i na ngai tawn ve lo maw?

Hniang: Ngai tuk ve tawn ko. A hnu bik ka ratnak VCD ka vun zoh ah khan cun... ka ngai tuk tawn ve ko.

Hu: Malay tlangval pawl nih cun "Hnianghniang cu Laihla sak ah cun 'pandan' (Athiamtuk lawmmam tikhi) a si ko" an ti ko hih.

Hniang: Aa... mah ti cun si lo an thiam dih cio ko an mah le an hla cio ah cun. Mah le uarci cio khi a si i si. Ka lawm tuk ko.

Hu: Na rau pah ee, connection maw a tla? Mei dah mih aa timh?

Hniang: Aaa! theithiam ko, connection lehlam tu khi cu, theihthiam lo ah cun vei khi kan lo, ngaknu muidawh aa uah nawn mi khi, hehehe... asinain connection khi a raksi deuh cuh!
 

Hu: Khah! si le tangka zong na dih tuk lai, kan i chawn than te lai cu.

Hniang: Aw si si. Ka dih pah tak ko ee tu hi. Ee!..law... nazi pa hnih le cheu chung ka thu ai cang a ba in thut ka hau cang. loz....
 

Hu: Aih! Malay um Lai tlangval pawl bia na cah ta hna lai lo maw, an ka mawhchiat tuk sual lai si?

Hniang: Aw si ko ti! Tangka cu a dih i a dih cang ko i mah hngal le lungfim tein um i zuam peng ko hna u sih. Khua a dei deng cang ko lai fawh tiah, ka chimhpiak te ko hna mu MB hrawng i na hmuh mi hna paoh kha!!!

Hu: Aw, si le khah! ka lawm tuk, kan i tong than te lai cu. Terima kasih!

Hniang: Ee, khah! kei zong ka lawm tuk ve.... ton than caan tu um te ko seh law....

Faiceu Journal Vol. 1, No. 17

April 12, 2009,