October 12, 2011 ah Kawlram pumpi chungin thongtla 6359 an thlah hna. Cuchung vialte ah ramkong in thongtla a chuakmi cu zathum hrawng (5%) lawng an si. Insein thong in a chuakmi hi 400 hrawng an si. Sihmanhsehlaw Thailand ram i hram a bunhmi Assistance Association for Political Prisoners (Burma) (AAPP) nih cun ramkong in thongtla a chuakmi hi 206 lawng an si rih tiah an ti.
Mandalay khua i thonginn pakhat ah cun thongtla 409 an thlah hna. Cu chungah cun ramkong in thongtla a chuakmi 46 an si tiah U Ko Ko Lay nih a chim. Mandalay i National League for Democracy (NLD) party hruaitu lutlai cheukhat zong an chuah hna.
Tutan thongtla a chuakmi lakah capo saih thiam Zarganar, Ma Su Su Nwe te pawl zong an i tel. Zarganar cu thong a chuah ni bak in acozah cu bianeng in a soi colh hna. Rampi a ṭhatnak ding an ti a si ahcun ramkong in thongtla vialte an chuah hna awk a si. Atu bantuk thong tla a kan chuahmi tham cu rampi theih hlasakthiam Lay Phyu khi ngakchia hla zawng-sung-bawlung timi sakter he a lo tiah a ti. Acozah nih rampi caah a biapi bik palinak an timi (Media) cu acozah i pyanciazi vunci khi pei a si ko cu ti zong BBC sin ah a chim.
Kan hnulei thla May 17, 2011 ah khan thongtla 14,600 zong an rak thlah cang hna.
Ch: BBC
Kan hnulei thla May 17, 2011 ah khan thongtla 14,600 zong an rak thlah cang hna.
Ch: BBC
No comments:
Post a Comment
Na hmuhning a tangah rak ṭial khawh a si.
Kan ruahnak i cheu cio hna usih.