2011 Champion FC Barcelona

2011 Champion FC Barcelona

Bialalnak cu a dih ko cang. Kum 2011 i vawleicung pumpululh chuih ah minthang a simi Champion League cu FC Barcelona 3:1 Manchester United in an tei hna. Mitam u pumpululh a zohmi nih cun Man U hi an zumh deuh ngai. Sihmanhsehlaw Barcelona ah cun vawleicung pumpululh chuihthiam tiah thimmi tambik umnak a si ve tikah sungh lo ding tiah biatakte in an i zuam ve.

Barcelona i an coach Pep nih "Kan tei hna ning hi ka porhlawt bikmi a si," tiah a ti. Cun "Messi cu a thiam bak ko, pumpululh chui ka hmuhmi lakah a thiam bik a si ko," tiah a ti. "Manager ka ṭuan chungah a thiam bikmi phu ka tonmi an si," tiah Ferguson nih a chim.

Champion League final chuihnak ah referee a ṭuanmi lakah tutan 2011 i a ṭuanmi Viktor Kassai cu kum no bik a si. Nikum i kum no bik tiah rak timi Howard Webb cu kum 38 a rak si i tukum i a ṭuanmi Kassai cu 35 lawng a si.

1990 Elections (Book Review)

Khuaruahhar Laam

LAIRAM COZAH

Speaker                                                     U Hau Khen Kham (Tonzang)

Deputy Speaker                                          U Ohn Lwin (Matupi)

Chief Minister                                             U Hung Ngai (Mindat)

Bandazi le Simanking Vuanci                        U Nang Za Mung (Tedim)

Sipuazi Vuanci                                            U Ram Mang (Hakha)

Seihpiozi Vuanci                                         U Van Thawng (Thantlang-Hakha)

Suan-in, Electric,Tattuh, Tittaw                    U Kyaw Ngein (Paletwa)

Puhsawngzi, Settuaizi, Sohlohzi                    U Cinh Lian Pau (Tonzang)

Luhmuhzi Vuanci                                        Dr. Ba Maung ( Kanpetlet-Yangon)

Siman khanhkhuaizi, Sehhmuh lehhmuh       U Ning Naing (Mindat)

Lungchungzi, Nesatziza Vuanci                     Colonel Zaw Min Oo (Ralkap Kuzale)

Hluttaw Committee ah Laimi Telnak

Pyidaungsu Hluttaw

U Suan Do Cin       (Tedim)      - Pyidaungsu Hluttaw Bill Committee

U Paul Thang Ṭhai (Thantlang) - Pyidaungsu Hluttaw Representatives Vetting Committee

Pyitu Hluttaw

U Ngun Maung       (Hakha)       - Pyitu Hluttaw Bill Committee

U Khuang Ling       (Falam)       - Pyitu Hluttaw Public Accounts Committee

U Hau Khan Mang  (Tonzang)    - Pyitu Hluttaw Public Accounts Committee

U Pum Khan En     (Tedim)       - Pyitu Hluttaw Representatives Vetting Committee

Amyotha Hluttaw

U Suan Do Cin       (Tedim)     - Amyotha Hluttaw Bill Committee

U Zung Hlei Thang (Falam)      - Amyotha Hluttaw Public Accounts Committee

U S. Ṭha Bik          (Hakha)      - Amyotha Hluttaw Public Accounts Committee

U Hawih Ying        (Paletwa)    - Amyotha Hluttaw Rights Committee

U Paul Thang Ṭhai (Thantlang) - Amyotha Hluttaw Representatives Vetting Committee

Pyidaungsu Hluttaw ah Kuzale aa tel kho vemi Party

No.	Party min	Pituh Hluttaw	Amyota Hluttaw	Dihlak
1	U.S.D.P (ျပည္ခုိင္ျဖိဳး)	260	129	389
2	Shan Nationalities Democratic Party (SNDP)	18	3	21
3	National Unity Party (NUP)	12	5	17
4	Rakhine Nationalities Development Party (RNDP)	9	7	16
5	National Democratic Force (NDF)	8	4	12
6	Pa-Oo အမ်ဳိးသား အဖြဲ႕ခ်ဳပ္	3	1	4
7	Mon Regional Democracy	3	4	7
8	Wa Democratic Party	2	1	3
9	Palone- Savaw  Democratic Party (Karen)	2	3	5
10	Chin Progressive Party (CPP)	2	4	6
11	Chin National Party (CNP)	2	2	4
12	Ta-Aung ( Palaung ) National Party	1	1	2
13	Unity and  Democracy Party (Kachin )	1	1	2
14	In National Development Party  (အင္းအမ်ဳိးသား)	1	-	1
15	Karen State Democracy and Development Party	-	1	1
16	Karen  People  Party	-	1	1
17	Independent (Party Ngeilo)	Shan - 1	Kachin - 1	2
18	Ralkap  Kuzale	110	56	166
	Dihlak	434	223	657

Tutan thimnak ah Pyitu–Hluttaw ah Nu-14 le Amyota Hluttaw ah Nu - 6 an i tel. Asinain meeting tuah lio ah Peku-Amyota Hulttaw nu pakhat cu a nulepa  hmahpungtin ruangah phuahter a si ṭhan. Kuzale tampi tazacuai liomi le report mi zong an um. Thim lio ah rambuainak tete an um i, Pyitu-Hluttaw hmun 5 ah thimnak a um kho lo. A hnuah Kuzale pali cu rian dang pek an si i, an zaka a lawng. Kuzale a lawngmi zaka ah By-election a um te lai.

Hluttaw Meeting Le Ka Hmuh Ve Ning

Sayaci Thang Ṭhai

Yangon um ka Miphun hawi le hna,

Nan sinah biachimnak caan ṭha ka hmuh caah kaa lawm ngaingai. Hibantuk biaruahnak um kho dingin a tawlreltu cung zongah tampi kaa lawm. Ram le miphun rian ṭuannak kong chim tikah, Hnulei caan, Atu caan, Hmailei caan (Past, Present, Future - အတိတ္၊ပစၥဳပန္၊အနာဂါတ္) tiin caan thum thil umkalning tlawmte cio chim a herh tawn.

1948 - 2012 Kum 62 chung Kawlram tuanbia tlawmte ka chim lai. General Aung San hruainak in Kawlram cu mahte uknak a hmu ding a si cang. Culioah mizapi nih an duh bik mi party cu AFPFL (Anti Facist People’s Freedom League - ဖဆပလ) a si. Hi party hruainak in 1947 ah Ramhruainak Upadi (အေၿခခံဥပေဒ) an tuah i zapi hnatlaknak mee thlakter a um lo. 1948 ah an hman colh ko.

Thongtla 14,600 an thlah hna

Cawn nihnih May 17, 2011 ah president U Thein Sein nih thongtla thlah dingin nawl a chuah i Kawlram pumpi in thongtla 14,600 leng an chuak tiah thonglei tlangtlatu zungbawi U Zaw Win nih a chim. Cun atu an chuahmi hna lakah thongtla nu 2166 an i tel.

Insein thong in thongtla 8000 leng chungah thongtla 2600 an chuak i thah dingin biachah a simi 348 cu nungchung thong ah an ṭhumhpiak hna. An thlahmi hna lakah ramkong in thongtla 30 hrawng an i tel ve. Sihmanhsehlaw atu bantuk thongtla zangfahnak an tuah lio ah 2004 i rak tlaihmi vunci hlun U Khin Nyunt caah cun aa tel lo.

Ramkong in thongtla bawmtu bu (AAPP) cazin ah cun 2004 ah thongtla thlahmi 14,318 lakah ramkong in 60 an i tel. 2005 ah ramkong in thongtla thlahmi 341, 2007 ah thlahmi 8585 lakah ramkong in 20, 2008 ah thlahmi 902 lakah ramkong in thlahmi 9 le 2009 ah thlahmi 6313 lakah ramkong in thlahmi 30 an si.

Kawlrampi chungah thonginn 42 le zephat sakhan 109 a um i thongtla 60,000 leng an um. Thongtla 2061 cu ramkong in a tlami an si.

Ch: VOA, AP

Eurovision Song Contest 2011



Eurovision Song Contest 2011 logo

Eurovision Song Contest 2011 cu Ell/Nikki, Azerbaijan ram nih pakhatnak an hmuh. An sakmi hla cu "Running Scared", Stefan Örn, Sandra Bjurman nih tialmi a si. Hi hlasak zuamnak ah ram 43 in an i tel. Eurovision Song Contest 2011 cu a voi 56nk a si. An tuahnak hmun cu nikum 2010 i pakhatnak a hmumi Germany ram Düsseldorf khua Esprit Arena ah a si. Hihi Germany ram an hun i fonh ṭhan hnuah a voi khatnak an tuah a si. 

 

An i zuam ning cu May 10 ah ram 19 le May 12 ah ram 19 tiah seminal an i zuam. Final cu May 14, 2011 ah an tuah. Semifinal May 10 i thimmi ram 10 le May 12 i thimmi ram 10 cu final an kai. Sihmanhsehlaw “Big Five” a simi Germany, France, the United Kingdom, Spain le Italy cu hmakhatte ah final an kai colh.

A voi 56nk Eurovision Song Contest i an tlangtar cu “Feel your heart beat” ti a si. Hmak pek ning cu nikum i hmak pek ning he aa khat. Televote in thlakmi le biachat nawlngeitu nih thlakmi fonh in thim a si.

Eldar le Nigar

Tukum ah a hlan i zuamnak ah a rak i tel balmi minung 5 zong an i zuam ṭhan.

Cu hna cu a tanglei hna hi an si.

Dio Melin, Bosnia and Herzegovina, 1999

Lena, Germany, 2010 (Teitu)

Gunnar Ólason, Iceland, 2001

Dana International, Israel, 1998 (Teitu)

Zdob şi Zdub, Moldova, 2005

2009 i pakhatnak a rak hmumi Alexander Rybak cu NRK, Tv caah thawnghlattu dirhmun in a voi 56nk Eurovision Song Contest hmun ah a buai len lio ah 2010 i pakhatnak a hmumi Lena cu a thar in zuamnak ah a lut ṭhan.

Hmaikum Eurovision Song Contest 2012 cu Azerbaijan ram ah an tuahṭhan te lai.

Eurovision Song Contest 2011 Final Video 

(Big Five timi hna hi European Broadcasting Union ah a zik i a ummi pa nga an si.)

Eurovision Song Contest 2010, Lena