1985, 1987 tangka thimi ram sifak
Ko Phone Maw thihnak
Rangoon Institute of Technology (RIT) sianginn pawng ah siangngakchia le mipi chung buainak kha BSPP cozah nih meithal he an chuah hnawh hna tikah Ko Phone Maw cu meithal hmual tampi iin bu in a thi. Cu tlawmpal ah Ko Soe Naing zong a thi ve.
Hleirang in Hleisen
RIT nih cuti namnetnak an tonmi an celh ti lonak cu Rangoon University tiang a va phak pi. March 16, 1988 i lungthing palik hna nih siangngakchia mibupi hna cu thenthek dih ding in an tuk dawi hna tikah Inya tidil le Hleirang (tadaphyu) cu thi lawng tein a khat.
Thong mawtaw chungah a thimi 41
Sianghleirun siangngakchia hna i an awaan le mipi hna an intuarnak aa fonh tikah BSPP i an thiltuah a that lo tuk ning cu March 17-18, 1988 ah thong mawtaw chung in minung 41 an thih ter hna.
June 21, thi in a khatmi Myaenigone
March le June thla i siangngakchia sandahpiah nak ah siangsangrun kai lio mi siangngakchia hna zong tampi an thi a luang.
Ne Win a tum I Sein Lwin a kai
“Ahnu ah cun hibantuk buaibainak a chuah tikah ralkap cu a cungah a kap mi a si lo, ding tein a kap mi a si,” tiah ralrinpeknak bia chim dih in Ne Win cu a rian in a din. 23.7.1988 ah mithat Sein Lwin cu a rak kai.
Ralka uknak a thawk
Siangngakchia hna i an sandahpiah thawk in lungtlinlonak vialte cu BSPP uknak tang i a chia thluahmah mi chawlehnak, ramkong, zatlangnun kong ah mipi hna cu an si a vang cang. Siangngakchia le phungki komh, mipi bawm in rawlulh sandahpiah nak lei lam an panh chin lengmang. August 4, 1988 ah BSPP nih ralkap uknak cu an hun thawk.
8.8.88 buaibainak pi
8888 buainak in Democracy ram caah cawlcanghnak an hun thawk. 8.8.88 zan thawk in ralkap nih ningcang lo in sandahpiah mi hna cu kah hram an thawk. Mipi sandahpiahnak cu ram pumpi in a hung cang. 18 ni ah president Sein Lwin cu a tum. Dr. Maung Maung a kai i mipi cu hnemh aa tim. Mipi nih an zum lo. Rampi in mipi buainak le, rawlulh buainak thawng in cozah uknak vialte cu a dirter dih. BSPP party pakhat uknak cu an thlak.
26.8.88 Shwedagone para hnulei ah Daw Aung San Suu Kyi nih biachimnak a ngeih i minung singkhat leng an i tel kho.
28.8.88 Rangoon sianghleirun lentecelhnak tual ah All Burma Student Union cu dirh a si than. Cu ni thiamthiam ah cun vunci hlun U Nu nih League for Democracy and Peace (LDP) cu a dirh ve. 9.9.88 ah 1974 phunghram ning in keimah lawng hi a dikmi vunci cu ka si tiah a ti.
11.9.88 cun BSPP lakhruak hluatdaw nih party tling thimnak kan tuah lai tiah bia an chah. Sandahpiah cu thazang a hung thawng chin. Palik le ralkap zong nih an hun zulh ve hna. BSPP party chuak seh, thimnak tuah ding, chikkhat cozah kan dirhpiak u tiah mipi an au. Kan duhnak nan kan tuahpiak lo cun dong loin kan buai lai tiah an ti. Cozah uknak cu a rawk dih cikcek. Phungki le siangngakchia nih sangkip a himnak ding ah tuanvo an lak. Thonginn vialte innka an hun dih.
17.9.88 Rangoon ah ralkap nih mipi an kah hna ruangah a thar in an buai than. Chikkhat cozah dirhding in BSPP nih an duh lo caah an buai chinchin. Ramri ramtang ah a ummi hriamtlai hna sinah hriannam lak ding in siangngakchia cheukhat an kal.
General Saw Maung
18.9.88 ah General Saw Maung ukmi ralkap nih uknak an lak. Sandahpiahmi umnak hmun paoh cu a hrawh dih i rampi cu ralkap uknak tang ah a tla.
A dihlomi mipi raldoh
8888 buainak cu ningcang lo an hrawh dih. Ralkap hna nih anmah caan sau uknak ca lawng ruat in party tling thimnak kan tuah lai tiah hlen aa tim. BSPP party pakhat uknak in State Law and Order Restoration Council (SLORC) ralkap uknak an hei thlen khi a si. Sihmanhsehlaw ramkhelnak cu a dong hlei lo. 1996, 2006, 2007 tibantuk in atutiang Democracy caah cawlcangh lengmang a si ko.
Ch: Adipadigyi
Relchihawk: Hittai, Dr. Lunswe, Mhanhlainenge, Niknayman, Niknayman 1, Irrawaddy
Ch: Adipadigyi
Relchihawk: Hittai, Dr. Lunswe, Mhanhlainenge, Niknayman, Niknayman 1, Irrawaddy
No comments:
Post a Comment
Na hmuhning a tangah rak ṭial khawh a si.
Kan ruahnak i cheu cio hna usih.