YTP season 2 le strategy

Eain Mat Sone Yar Yat Tat Pan Season 2 cu tuzarh February 13 ah final an i zuam cang lai. Top 3 an i zuamnak ah vote in Thi Thi Soe cu hmakhat te ah final a kai. David Lai le Hazel bal anmah pahnih lawng an i zuam ṭhan.

David Lai le Hazel zuamnak ah cun Judge biakhiahnak lawng in final kai ding a si. David Lai cu Judge le a zohtu pawl nih an uar ngaingai mi a si. David Lai cu a hlasak a ṭha ngai ko nain hla a philh mi a um pah caah Final kai ding ah Hazel nih a tei ai. Sihmanhsehlaw David Lai zong final a kai ve ṭhiamṭhaim. Hihi a ruang tampi a um kho.

Hmanthlak: Channel 7 FB

Zeiruang ah dah David Lai hi Grand Final a kai ve timi hi hlasak a thiam ruang le judge te nih an duh ca lawng ah a rak si lai lo. Zeitih tiah cun David Lai hi aa zuam chung ah Top 1 a hmu tawn mi a si. Top 3 an i zuamnak zong ah khan David Lai cu an uar ngai ko nain Thi Thi Soe nih vote 49,000 leng a hmuh. David Lai nih 43,000 leng a hmuh ve nain Hazel cu 15,000 tluk lawng a hmuh.

Grand Final ah Thi Thi Soe le Hazel lawng a zuam ding si hna sehlaw vote lak ṭhan a si lai tikah Thi Thi Soe caah vote petu tam deuh dawh an si. Hazel caah cun ruahchannak tlawm deuh dawh in a um. Zeicaah tiah Hazel nih cun Thi Thi Soe tei ding ah vote petu let li in a ngeih a hau hnga.

Vote thla ding a tlangpi in tuak tikah 70,000 tluk lawng an si lai. Top 3 an i zuam lio ah cun 100,000 leng a si. Cucaah vote thlaknak lei in 30,000 tluk cu puai tuahtu an sung cang. David Lai a tel ve caah vote thla tu a karh lai bantuk in a zohtu ṭanh mi paoh nih tei hna seh ti an duh lai caah top 3 nak tamdeuh in vote an thlak lai caah Ooredoo a hlawk lai.

Hlasak thiam David Lai final a kai lo ahcun YTP final a zohmi an tlawm lai. Vote a thlatu hi a zohtu ah tuak chun hna u sihlaw 100,000 ah 40,000 tluk nih TV channel an zoh lo ahcun TV channel a thlahtu a hmaichia ngai lai. TV channel a zohtu an tlawm deuh ah cun hmailei pehzulh a har cang lai.

Judge te nih hlasak zuamnak chungah save nak nawl an ngei. Cutikah hlasakthiam David Lai kha save lo in um hna sehlaw judge te an min chia lai. Aw ṭha, hlasakthaim kan kawl ti i top 3 chungtel David Lai hitluk hlasak thiam hmanh an save lo ah cun a rian a thei lomi an lo hnga. YTP season 3 ah cun judge ṭhutnak pek ti lo hmanh a phu kho. Cun hmailei YTP hlasak zuamnak zong a min a chia kho i zuam duhnak a ngeih mi zong hmun dang ah ṭhial a fawi te.

A cunglei a ruang pathum vote peknak Ooredoo, TV channel le YTP min tlak lonak ding ah tutan YTP season 2 grand final cu minung pahnih lawng siloin pathum nih pakhatnak an i cuh lai.