Kyat 10000 tlap an chuah lai

A Hmailei

Central Bank of Myanmar in kyat thonghra (Kyat 10000) tlap cu June 15, 2012 ah an chuah lai. Tangka cu cozah bank an hun tik le chaw letthal pawl bank an hun tikah zapi sin phawtzamh a si te lai.

A Hnulei

Atu tan an chuah dingmi kyat thonghra hi Kawlram ah man sangbik a si lai. Tangka tlap man sangdeuh an hun chuah tikah tangka man ngei lomi a si sual nakhnga lo cozah nih biatak te in `uanvo kan lak lai ti zong Central Bank of Myanmar i haotu chang U Aye Taw nih a chim.

Atu tan Kyat 10000 an chuah hlan a luan ciami kumthum October 2009 cozah thar kai hlan ah Kyat 5000 tlap zong an rak chuah cang. Cucu atu tiang an hmanmi tangka man sangbik a si. Sihmanhsehlaw a hlan tangka an chuah i a hmanmi vui muicuang nganpi cu an hmang ti lo nain a hmete pahnih cu an hman `hiam. A hnu lei bal ah Mandalay siangpahrang a rak umnak ralhruang Kyone cu nganpi in an cuan ter.

Kum 1990 hnu tangka tlap an chuahmi hna cu a tanglei bantuk in an si.

Kyat/Pyas	Kum	Muicuang
1	1990	General Aung San le Limkeng
50 Pyas	1994	Kawl Tingtang
1	1996	Chiandeih le Lawng cit zuam lio
5	1997	Chiandeih le Chinlung chuih lio
10	1997	Chiandeih le Karaweik Lawng
20	1994	Chiandeih le Pangpar dum, Yangon
50	1997	Chiandeih le Kutzung thiam
100	1994	Chiandeih le Kutzung thiam
200	1998	Chiandeih le Thing hnukmi Vui
500	1994	Chiandeih le Kutzung Milem
1000 (Kau)	1998	Chiandeih le Central Bank inn
1000 (Bi)	2004	Chiandeih le Central Bank inn
5000	2009	Vuirang le Hluttaw inn
10000	2012	Vuirang, Pangpar le Kyone

Ch: MMK