Thairam thimnak Pheu Thai Party nih teinak a hmuh

Yingluck Shinawatra, Pheu Thai Party

Nihin July 3, 2011 i Thairam thimnak cu a hlan i Thairam uktu a rak simi Thaksin Shinawatra i a farnu Yingluck Shinawatra nih teinak a hmuh. Atu lio i PM a simi Abhisit Vejjajiva nih cun ka sung ko tiah a cohlan. Amah he a zuammi Yingluck Shinawatra nih teinak a hmuh caah ka thangṭhat ngaingai tiah a ti.

Yingluck Shinawatra cu Pheu Thai Party an hruaitu a si i Thairam ah hmasabik nu Prime Minister a si lai. Amah cu kum 44 lawng a si rih. Atu lio cozah a simi Democrat Party cu Pheu Thai Party nih piang ko in a tei.

Thairam i hluttaw ṭhutnak 500 lakah Pheu Thai Party nih 263 nak tlawmlo an hmuh. Me thlaknak nawl a ngeimi 45,000,000 lengah 70% nih cun me an thlak ko lai tiah an ruah. Atu bantuk thimnak an tuah khawh mi cu Thairam tuanbia ah a dawh tukmi a si. Hi nih hin Thairam i ramkong buaibainak a ṭhat ter ngai lai tiah mipi nih cun an zumh.