Daw Aung San Suu Kyi thong a chuah hnu in a ca a voi khatnak ramchungah an chuah khawh. Biaruahnak le Bagan tlawnnak capar ramchung ca chuah hna nih an rak halmi cu an chuah khawh cang. Biaruahnak ca cu September 4, 2011 The Messenger Journal ah a si i capar cu September 6, 2011 The People’s Age journal ah a si lai.
Daw Suu he biaruahnak a ngeimi The Messenger Journal ṭuanvo ngei editor pakhat nih cun hitin a chim. Biapi in halmi cu mino kong a si. Tuchan mino hna hi Daw Aung San Suu Kyi zeitin a hmuh hna timi tlangtar in kan halmi a si tiah a ti. Cachektu sin kan ca kan ap cu kan biahalnak a dih bak in kan ap colh ko tiah a si. Sihmanhsehlaw a caan a rauh kong cu a chim chih lo.
Cu bantuk ṭhiamṭhiam in The People’s Age Journal zong nih kan hnu zarh ah chuahnak nawl an rak hmuh lomi zong an pek colh ve hna. Cu kong he pehtlai in editor lutlai Phe Myint nih hitin a chim. Chuahnak nawl cu a kan pek ko cang. Ca phiatpiak mi zong a um lo. A ningte in a si ko tiah a ti. A caan balte zarh hnih leng kan hngah hnu ah atu bantuk chuahnak nawl a kan pek hi a si tiah a ti.
Daw Suu capar kong he pehtlai in chuahnak nawl an ngeih hlan ah cun cachektu hna nih zeimaw zat an rak phiat bal hnu ah nawl pek ding a rak si. Sihmanhsehlaw Daw Suu nih ka ca an phiat ding a si ahcun chuah lo lawlaw in um ko seh tiah a rak ti bal.
The Messenger Journal cu atu lio thimnak lutlai a simi ralbawi hlun U Tin Aye fapa U Zaw Min Aye nawl ngeihnak in chuahmi a si.
Ch: VOA
No comments:
Post a Comment
Na hmuhning a tangah rak ṭial khawh a si.
Kan ruahnak i cheu cio hna usih.