July 19, 1947 cu Kawlrampi chunmui tlun ni a si. Kawlrampi luatnak ding le Kawlrampi zeitin kan i hruai lai tiah chikkhat cozah rian a tlaitu Anti-Fascist People's Freedom League hna meeting an tuahnak hmun ah thah an ton ni a si. Cucu July 19, 1947, zarhteni zing sml 10:37am a si.Cu ni cu zing khuadei in minmei a tam, nikhua a maw, lung a fim lo, nikhua umtu ning nih mi a hliphlau lo tiah catial thiam hna nih an tial.
Bogyoke Aung San cu a hnuzul a simi Bo Htun Hla he an umnak in meeting tuahnak hmun ah cun an ra ti. Bogyoke Aung San cu taihpung le longgyi he tiah Kawl muisam keng ngai in a rak i thawh. U Ba Gyan hoi hna nih cun a hei siamsak pah.
Meeting tuahnak khanchung an hei luh ah cun meeting tuah hngami tam u cu an rak phan dih cang. An ceihmai hnga mi kong caah tiah catlap pawl an hun sersiam hna. Timhtuahnak an ngeih caah a lut chuak mi zong an um len. Bogyoke Aung San te zong cu an hun pha i Bo Htun Hla nih cun a herhmi catlap pawl a timhtuahpiak. Bogyoke a thut dih hnu ah anih zong a umnak ding zungkhan ah a va kal ve.
Meeting a kai mi hna cu a tanglei hna hi an si.
Takhin Mya
U Ba Win
Dedoke U Ba Cho
U Razak
Mann Ba Khaing
Mai Pun Saw-Bwar Gyi Sao San Tun
Ba Gyan
Pyou-Bwe U Mya
U Aung Zan Wai
U Ohn Maung
Meeting cu ramuk Bawi hruainak in tuah a si tawn. Asinain Aung San-Attlee hnatlaknak ca minsenthut a si cang caah luatnak kan hmuh hrimhrim ti ruahnak a um cang caah ramukbawi hruainak in tuah ti loin Bogyoke hruainak in January hrawng khan an tuah.
Meeting an tuahnak hmun Bogyoke khan chung luhding ah innka pathum a um. Kehlei kam ah U Shwe Baw khan, orhlei ah Bo Htun Hla khan an um. Khanchung i nichuah chaklei ah Bogyoke riantuannak cabuai a um. Thlanglei vampang lei ah cun meeting tuahnak ding cabuai pawl an um. Cu cabuai hna cu 'U' bantuk in a ummi a si i a hmailei cabuai cu a sau dong 10, a kauh dong 3 a si. A kam cabuai pahnih hna cu an sau dong 18 le a kauh dong 3 an si.
Cu ni i meeting tuah lio an thut umtu ning cu a lai cabuai laifang ah Bogyoke a thu. A orhlei cabuai ah Takhin Mya, Dedoke U Ba Cho, U Razak, U Ba Win le Mann Ba Khaing a tlar in an thu i a kehlei kam ah U Ba Gyan, U Aung Zan Wai, Pyou-Bwe U Mya le Mai Pun Saw-Bwar Gyi Sao San Tun an thu ve hna. A herhmi catlap pawl timhtuahpiaktu ah U Shwe Baw cu Bogyoke kehlei kam ah timhcia tein a dir.
Meeting cu zing sml 10:15 am ah an thawk. Pakhat hnu pakhat an hun ceihmai hna i pahra le cheu a hung si ah cun lamlei kong ceihmai ding a hung si caah tuanvo ngeitu aiawh in U Ohn Maung cu meeting tuahnak khan chungah a rak lut. Meeting tuahnak cabuai orhlei kam i Takhin Mya pawng ah a thu.
Jeep mawtaw (mawtaw No. RC, 1814) pakhat meeting tuahnak hmun lei ah a kal. Ralkap angki a hrukmi, ralkap phu XII a simi, chiandeih zuk benh a hruk mi ralkap pali nih mawtaw cu an i cit. Meeting tuahnak hmun innhmai ah sehthah lo in mawtaw mawng Tu Kha nih a hngah hna i meithal a kenmi ralkap Sein Kyi, Maung Soe, Yan Kyi Aung le That Hnin hna cu meeting tuahnak khan chung ah innka cong cu an nam i an vung lut.
Zing 10:38 am ah cun methal a ken mi That Hnin nih cun "Heih" tiah au in Bogyoke cu a hun kah colh. Cu caan lio te ah cun Bogyoke cu a thutnak in a hung dir. A kut a thlir i a rak lutmi hna sin ah bia pakhatkhat chim a duh ngai ko nain a si thiam ti lo. Methal kuan nih a hun khen i a hnu lei ah a thutnak he an vung tlu. Cun a orhlei thumi le kehlai thumi hna zong an kah thluahmah hna.
Vunci Pyou-Bwe U Mya le Shwe Baw cu Bogyoke an kah lio ah an hnulei thlalangawng in an zuan manh caah hma pu lo in an luat. Cun vunci U Ba Gyan zong an kah hna le cangka in a pawng ummi U Aung Zan Wai a kut a hun hnuh i tuang ah a hun bawh pi ruang ah an luat ve.
Sihmanhsehlaw a dang vunci pawl tu cu meithal kuan nih a hun khen hna caah an hung tlu cio hna. A kap tu hna cu an dir bu in an kah dih hna hnu ah an khup an i bil i an kah thluahmah rih hna. Cu dih cun chuahnak hleilei kam ah an vung tli. Hleihram i innka in a rak chuak mi vunci U Razak zohkhenh tu Ko Htwe cu meithal in an hun suk. Cu hna nih cun "A saing lo mi i thawn u" tiah an au i hlei ah cun an vung zuang thluahmah. Mawtaw nih timhcia in a rak hngah hna i an kai dih le cangka in a chuak colh.
Cuticun ramhruaitu upa hna cu meithal kah in minung pa 9 an thi. A kap tu an lutlai cu Galon U Saw a si tiah an ti. An dihlak in an tlaih hna i Galon U Saw cu hrithlai in thah a si. Cuni i a thi mi vunci hna cu Bogykoe Aung San, Mai Pun Saw-Bwar Gyi Sao San Tun, Mann Ba Khaing,Takhin Mya, U Razak, U Ba Win, Dedoke U Ba Cho le U Ohn Maung hna an si. Cun ralkap Ko Htwe zong cu hmun ah cun a thi ve.
Cuti ramhruaitu hna an thihni cu "Arzani ni" "Martyr day" tiah auh a si. Cuticun July 19 a si fatin philhlonak tuah lengmang a si. Sihmanhseh law atu lio ralkap cozah nih cun hini ah upat peknak lungtak le thintak in an tuah ti lo. Bogyoke Aung San fanu Aung San Suu Kyi hmanh philhlonak thlanhmun kal ding ah an sawm ti lo.
Ch: Burma Martyr day
Meeting cu ramuk Bawi hruainak in tuah a si tawn. Asinain Aung San-Attlee hnatlaknak ca minsenthut a si cang caah luatnak kan hmuh hrimhrim ti ruahnak a um cang caah ramukbawi hruainak in tuah ti loin Bogyoke hruainak in January hrawng khan an tuah.
Meeting an tuahnak hmun Bogyoke khan chung luhding ah innka pathum a um. Kehlei kam ah U Shwe Baw khan, orhlei ah Bo Htun Hla khan an um. Khanchung i nichuah chaklei ah Bogyoke riantuannak cabuai a um. Thlanglei vampang lei ah cun meeting tuahnak ding cabuai pawl an um. Cu cabuai hna cu 'U' bantuk in a ummi a si i a hmailei cabuai cu a sau dong 10, a kauh dong 3 a si. A kam cabuai pahnih hna cu an sau dong 18 le a kauh dong 3 an si.
Cu ni i meeting tuah lio an thut umtu ning cu a lai cabuai laifang ah Bogyoke a thu. A orhlei cabuai ah Takhin Mya, Dedoke U Ba Cho, U Razak, U Ba Win le Mann Ba Khaing a tlar in an thu i a kehlei kam ah U Ba Gyan, U Aung Zan Wai, Pyou-Bwe U Mya le Mai Pun Saw-Bwar Gyi Sao San Tun an thu ve hna. A herhmi catlap pawl timhtuahpiaktu ah U Shwe Baw cu Bogyoke kehlei kam ah timhcia tein a dir.
Meeting cu zing sml 10:15 am ah an thawk. Pakhat hnu pakhat an hun ceihmai hna i pahra le cheu a hung si ah cun lamlei kong ceihmai ding a hung si caah tuanvo ngeitu aiawh in U Ohn Maung cu meeting tuahnak khan chungah a rak lut. Meeting tuahnak cabuai orhlei kam i Takhin Mya pawng ah a thu.
Jeep mawtaw (mawtaw No. RC, 1814) pakhat meeting tuahnak hmun lei ah a kal. Ralkap angki a hrukmi, ralkap phu XII a simi, chiandeih zuk benh a hruk mi ralkap pali nih mawtaw cu an i cit. Meeting tuahnak hmun innhmai ah sehthah lo in mawtaw mawng Tu Kha nih a hngah hna i meithal a kenmi ralkap Sein Kyi, Maung Soe, Yan Kyi Aung le That Hnin hna cu meeting tuahnak khan chung ah innka cong cu an nam i an vung lut.
Zing 10:38 am ah cun methal a ken mi That Hnin nih cun "Heih" tiah au in Bogyoke cu a hun kah colh. Cu caan lio te ah cun Bogyoke cu a thutnak in a hung dir. A kut a thlir i a rak lutmi hna sin ah bia pakhatkhat chim a duh ngai ko nain a si thiam ti lo. Methal kuan nih a hun khen i a hnu lei ah a thutnak he an vung tlu. Cun a orhlei thumi le kehlai thumi hna zong an kah thluahmah hna.
Vunci Pyou-Bwe U Mya le Shwe Baw cu Bogyoke an kah lio ah an hnulei thlalangawng in an zuan manh caah hma pu lo in an luat. Cun vunci U Ba Gyan zong an kah hna le cangka in a pawng ummi U Aung Zan Wai a kut a hun hnuh i tuang ah a hun bawh pi ruang ah an luat ve.
Sihmanhsehlaw a dang vunci pawl tu cu meithal kuan nih a hun khen hna caah an hung tlu cio hna. A kap tu hna cu an dir bu in an kah dih hna hnu ah an khup an i bil i an kah thluahmah rih hna. Cu dih cun chuahnak hleilei kam ah an vung tli. Hleihram i innka in a rak chuak mi vunci U Razak zohkhenh tu Ko Htwe cu meithal in an hun suk. Cu hna nih cun "A saing lo mi i thawn u" tiah an au i hlei ah cun an vung zuang thluahmah. Mawtaw nih timhcia in a rak hngah hna i an kai dih le cangka in a chuak colh.
Cuticun ramhruaitu upa hna cu meithal kah in minung pa 9 an thi. A kap tu an lutlai cu Galon U Saw a si tiah an ti. An dihlak in an tlaih hna i Galon U Saw cu hrithlai in thah a si. Cuni i a thi mi vunci hna cu Bogykoe Aung San, Mai Pun Saw-Bwar Gyi Sao San Tun, Mann Ba Khaing,Takhin Mya, U Razak, U Ba Win, Dedoke U Ba Cho le U Ohn Maung hna an si. Cun ralkap Ko Htwe zong cu hmun ah cun a thi ve.
Cuti ramhruaitu hna an thihni cu "Arzani ni" "Martyr day" tiah auh a si. Cuticun July 19 a si fatin philhlonak tuah lengmang a si. Sihmanhseh law atu lio ralkap cozah nih cun hini ah upat peknak lungtak le thintak in an tuah ti lo. Bogyoke Aung San fanu Aung San Suu Kyi hmanh philhlonak thlanhmun kal ding ah an sawm ti lo.
Ch: Burma Martyr day
No comments:
Post a Comment
Na hmuhning a tangah rak ṭial khawh a si.
Kan ruahnak i cheu cio hna usih.