Hringtu Nu Ni (Mother’s Day)

Rev. Dr. Mang Hope

Hringtu Nu Ni cu fale nih nule upatnak an pek ni a si. Nu ti tikah hringtu nu lawng kha nu tiah ti a si lo. Hramthawknak le kokehnak a hram paoh kha nu ti in min sak le auh a si. Tahchunhnak ah kan chuahkehnak hmun kha kan nu vawlei, kan nu ram tiah ti a si. Cun kan i chuahpimi holh kha ka nu holh tiah ti a si i kan umnak khrihfabu kha mother church kan ti.

1872 ah Julia Ward Howe an timi nu nih America ah Hringtu Nu Ni hi tuah awk a si ti in ruahnak a rak chuahpi hmasabik. Boston khua ah Hringtu Nu Ni pumhnak a kum fate in kum saupi a tuahpi hna. 1907 ah Virginia nitlaklei Crafton khuami Anna Jarvis an timi nu nih Hringtu Nu Ni hi miphun nih tuah awk a si ti in khuazakip ah chim a thawk. Hringtu Nu Ni cu May zarh hnihnak ah siseh tiah a ti i pangpar tonhnak phung a thawk chih. Cuticun hi pangpar tonh phung cu mi tampi nih an zulh. A nu a nung rihmi nih pangpar a hring, aihre, a sen timi zawng pakhat khat an i tonh i a nu a thi cangmi nih pangpar rang an i tonh ve.

May 8, 1914 ah Hringtu Nu Ni cu miphun in theih hngalhnak le fehternak an tuah. Cu ni ahcun President Woodrow Wilson nih America Upadi zung ah a hnatlaknak a min a thut. Cu thawk cun May zarh hnihnak cu Hringtu Nu Ni ah hman a si.

(Norwayram ah cun February zarh hnihnak ah an hman.)

Laiholh in holh

Salai Lian Biak Hu

Laimi a simi caah Laiholh in holh i ti cu sullam ngei lo a lo. Laimi a si ko mi nih Laiholh in an holh ko hnga lo maw van ti awk in a um. Nain Laimi zong ram tampi ah khuasa mi kan si ve. Kan umnak ram i an holh kha cawn kan i foih ngai ṭheo. Cu caah hi bia hi a rak biapi ngai ṭhan.

Yangon 2004-05 hrawngah khan Lai Baptist Church, Yangon (LBC) nih pangtar ca pakhat an rak chuah. Cucu Laiholh in holh ti a si. LBC chungtel a simi inn paoh ah tar a rak si. Innchungkhar ah Kawlholh a hmangmi an tam, Laiholh a hmang theng lomi zong an rak um caah a si. A cheukhat Yangon um Laimi cu anmah le anmah i chawnhbiaknak zongah Kawlholh kha an hman ṭheo. An kaa a naal deuh hlei ah an caah a thlum khun. Hi thil hi LBC lawng ah a si lo hmun dangdang zongah a simi a si.

Osama Bin Ladin ruak hmanthlak an thlah ngam lo

Visit msnbc.com for breaking news, world news, and news about the economy

Matthai 26:39

“Ka Pa, a si khawh ahcun hi hrai hi ka ṭhialpiak ko. Sihmanhsehlaw keimah duhmi cu si hlah seh, nangmah duhmi tu si ko seh,” tiah (Jesuh nih) thla a cam.

Charlie Chaplin Google Doodle

Czech president zal ah cafung

Hollywood ah Kawlram mi fidi Adrian Zaw

Vawleicung movie lakah mingthang bik a simi Hollywood ah Kawlram mi Adrian Zaw zong fidi aa thla ve. Amah cu Hollywood fidi lawng siloin TV Host & Producer zong a si.

Film minthang pakhat 2006 i thlakmi American Dream zongah a tel ve lawng siloin a dangdang zong ah tampi a thlakmi an um. Cun kan hnu naite i SyFy in an thlahmi The Risistance zong amah cu fidi tuan in aa thla. A rauh hlanah a chuak dingmi Burmese Refugee timi film zongah amah cu fidi a si.

Atu bantuk fidi ah tel dingin a rak i thawknak cu a lakin changreu ei ka rak duhnak in a si tiah amah nih BBC he biaruahnak ah a chim.

Adrian Zaw cu biachim zuamnak le fidi lei zongah laksawng tampi a hmumi a si. Siangngakchia a rak si lio California State chung dihlak biachim zuamnak ah amah nih Champion pakhatnak a rak hmuh.

Andrian Zaw (Kyi Maung Zaw) cu kum nga a si in US ah ralzam dirhmun in a pemmi a si. Atu cu kum 26 a si cang. Kum 13 a si in biachim zuamnak le fidi lei ah biatak tein aa tel i laksawng zong phun 60 leng a hmumi a si.

www.myspace.com/andrianzaw

www.alivenotdead.com/adrianzaw

Ch: BBC

WWE Wrestlemania XXVII 2011

Vawleicung minthang lentecelh phunkhat a simi wrestling cu zarhtin an i thua. Cu an i thuatmi ah a hleikhun in kumkhat ah voikhat an i thuahmi wrestlemania 27 cu kan hnu April 3, 2011 zarhpi zan Atlanta, GA, USA ah an i thua hna. Wrestling thuatnak hmun Georgia Dume in a zohkho mi minung an dihlak ah 71,617 an si.

Wrestlemania 27 i a thuami hna cu:

The Streak vs. The Game
The Undertaker vs. Triple H

WWE Championship Match
John Cena vs. The Miz

World Heavyweight Championship Match
Edge vs. Alberto del Rio

The Viper vs. Straight Edge Savior
Randy Orton vs. CM Punk

Special Guest Referee “Stone Cold” Steve Austin
Jerry “the King” Lawler vs. Michael Cole (w/ Jack Swagger)

Rey Mysterio vs. Cody Rhodes

John Morrison, Trish Stratus & Snooki vs. Dolph Ziggler & Lay-Cool

Cun a dangdang:
Kane; the Big Show; Kofi Kingston; the Nexus; Wade Barrett; the CORRE; Christian; Sheamus; WWE a telmi a dangdang hna an si.

Wrestling TV an thlahmi cu holh phun 30 in ram 145 nih an piah i minung 500 million leng nih an rak zoh ve. WWE an zungpi cu Stamford, Conn., ah a si i zung pehtlai hna cu New York, Los Angeles, London, Shanghai, Singapore le Tokyo ah an um. Capitol Wrestling Corporation Ltd cu 1952 ah an rak dirh. A min cu aa thleng lengmang i 2002 ah World Wrestling Entertainment, Inc. tiah an thlen i atu tiang an hman.

Online in zoh a duhmi ve mi caah WWE Wrestlemania XXVII 2011

IE9 le Firefox 4 thar an chuak

Microsoft's Internet Explorer 9 cu zapi sin an thlah cawn nikhat zanlei tiangah 2.35 million nih download an tuah. Second pakhat ah hin voi 27 leng an download i second 9 ah 240 leng an download.

IE9 Beta an rak chuah ka ah cun a nikhat nak ah 1 million lawng nih an download. Microsoft nih a thar an chuahmi IE9 cu Window 7 le Vista lawng ah rawn khawh an si. A ruang cu blockade i chawhlehthal karh duhnak caah a si.

Firefox 3.5 cu an chuah ka (2009) suimilam tlawmpal ah 1 million hrawng nih an download. Firefox 3.0 bal cu 8 million nih an chuah hmasabik suimilam 24 chungah an download.

Firefox 4 a thar cu March 22, 2011 cawn nihnih ah khan an chuah than. An chuah tlawmpal suimilam 24 chungah 6 million nih download an tuah.

Microsoft nih an chuahmi IE9 cu kan hnu thla March 14, 2011 zarhpini ah khan zapi sinah an thlah cu a si.

Download IE9
Download Firefox 4

Ch: siliconindia, developerFusion

Cozah thar biakamnak an tuah

Tuchun March 30, 2011 Pyidaungsu hlutdaw meting an tuahmi ah cozah thar cu biakamnak an tuah cang. Hluatdaw meting cu zing sml 11:00am in an thawk i minit 15 a rauh hnuah president thar U Thein Sein nih biakamnak cu a tuah. Vunci dangdang hna zong biakamnak an tuah cio. Cun biaceih bawi, sihni bawi le tangka chektu hna zong hmun khat ah biakamnak an tuah.

Cun State Peace and Development Council (SPDC) nih phung sernak nawl, uknak nawl le biaceihnak nawl pek an sinak le SPDC an hrawhnak thawng an hun thanh. SPDC tang i a ummi state le division uknak, peng, khua le sang uknak Peace and Development Council zong hrawh dih an si.

Sihmanhsehlaw atubantuk SPDC an hrawhmi le uknak chanhnak ah Senior General Than Shwe cu a ra lo.

Cun president thar nih ram zeitin kan hruai lai timi biachimnak zong a ngeih i cu lakah ralkap uktu ralbawi zong a thar thlen a sinak hluatdaw ah a hun chim chih.

President thar biachimmi ah cun chawlehthal lei ah lei le sehlei thancho ter ding le rampi kilkamhnak dingah ralkap bu thawn ter ding, ramdang bantuk in thawnnak ngeih ding caah rammi paoh nih ralkap ah luh cio ding timi a chim.

Cun ramkong he pehtlai in 2008 phunghrampi a duh lomi ramchung ram leng bu hna nih phunghram remh nan duh ah cun phungphai he aa tlak ningin remh i zuam u. Phungphai he aa tlak in remh a si nakah phungphai he a kalh ahcun hnonpiak a si fawn lai. Chan he a tlak mi phungphai, fimcawnnak, ngandamnak, chawlehhrawlnak zongah a chambau mi phungphai hna cu kan remh lai tiah a chim fawn.

Sihmanhsehlaw ralkap uktu thar thlenmi ah cun an min langh ter an si lo. An dirhmun lawng chim an si.

Cozah thar cu dirh a si ko nain ralkap cozah uknak i uktu ah aa telmi minung thiamthiam nih tam u cu hmunhma an lak than.

Pyidawngsu hlutdaw tel in hlutdaw dangdang hna zong thaizing in cun meting ngol a si cang lai caah anmah le khua cio ah thaizing cun an kir cang lai.

Ch: VOA