Eurovision Song Contest 2011



Eurovision Song Contest 2011 logo

Eurovision Song Contest 2011 cu Ell/Nikki, Azerbaijan ram nih pakhatnak an hmuh. An sakmi hla cu "Running Scared", Stefan Örn, Sandra Bjurman nih tialmi a si. Hi hlasak zuamnak ah ram 43 in an i tel. Eurovision Song Contest 2011 cu a voi 56nk a si. An tuahnak hmun cu nikum 2010 i pakhatnak a hmumi Germany ram Düsseldorf khua Esprit Arena ah a si. Hihi Germany ram an hun i fonh ṭhan hnuah a voi khatnak an tuah a si. 

 

An i zuam ning cu May 10 ah ram 19 le May 12 ah ram 19 tiah seminal an i zuam. Final cu May 14, 2011 ah an tuah. Semifinal May 10 i thimmi ram 10 le May 12 i thimmi ram 10 cu final an kai. Sihmanhsehlaw “Big Five” a simi Germany, France, the United Kingdom, Spain le Italy cu hmakhatte ah final an kai colh.

A voi 56nk Eurovision Song Contest i an tlangtar cu “Feel your heart beat” ti a si. Hmak pek ning cu nikum i hmak pek ning he aa khat. Televote in thlakmi le biachat nawlngeitu nih thlakmi fonh in thim a si.

Eldar le Nigar

Tukum ah a hlan i zuamnak ah a rak i tel balmi minung 5 zong an i zuam ṭhan.

Cu hna cu a tanglei hna hi an si.

Dio Melin, Bosnia and Herzegovina, 1999

Lena, Germany, 2010 (Teitu)

Gunnar Ólason, Iceland, 2001

Dana International, Israel, 1998 (Teitu)

Zdob şi Zdub, Moldova, 2005

2009 i pakhatnak a rak hmumi Alexander Rybak cu NRK, Tv caah thawnghlattu dirhmun in a voi 56nk Eurovision Song Contest hmun ah a buai len lio ah 2010 i pakhatnak a hmumi Lena cu a thar in zuamnak ah a lut ṭhan.

Hmaikum Eurovision Song Contest 2012 cu Azerbaijan ram ah an tuahṭhan te lai.

Eurovision Song Contest 2011 Final Video 

(Big Five timi hna hi European Broadcasting Union ah a zik i a ummi pa nga an si.)

Eurovision Song Contest 2010, Lena

Hringtu Nu Ni (Mother’s Day)

Rev. Dr. Mang Hope

Hringtu Nu Ni cu fale nih nule upatnak an pek ni a si. Nu ti tikah hringtu nu lawng kha nu tiah ti a si lo. Hramthawknak le kokehnak a hram paoh kha nu ti in min sak le auh a si. Tahchunhnak ah kan chuahkehnak hmun kha kan nu vawlei, kan nu ram tiah ti a si. Cun kan i chuahpimi holh kha ka nu holh tiah ti a si i kan umnak khrihfabu kha mother church kan ti.

1872 ah Julia Ward Howe an timi nu nih America ah Hringtu Nu Ni hi tuah awk a si ti in ruahnak a rak chuahpi hmasabik. Boston khua ah Hringtu Nu Ni pumhnak a kum fate in kum saupi a tuahpi hna. 1907 ah Virginia nitlaklei Crafton khuami Anna Jarvis an timi nu nih Hringtu Nu Ni hi miphun nih tuah awk a si ti in khuazakip ah chim a thawk. Hringtu Nu Ni cu May zarh hnihnak ah siseh tiah a ti i pangpar tonhnak phung a thawk chih. Cuticun hi pangpar tonh phung cu mi tampi nih an zulh. A nu a nung rihmi nih pangpar a hring, aihre, a sen timi zawng pakhat khat an i tonh i a nu a thi cangmi nih pangpar rang an i tonh ve.

May 8, 1914 ah Hringtu Nu Ni cu miphun in theih hngalhnak le fehternak an tuah. Cu ni ahcun President Woodrow Wilson nih America Upadi zung ah a hnatlaknak a min a thut. Cu thawk cun May zarh hnihnak cu Hringtu Nu Ni ah hman a si.

(Norwayram ah cun February zarh hnihnak ah an hman.)

Laiholh in holh

Salai Lian Biak Hu

Laimi a simi caah Laiholh in holh i ti cu sullam ngei lo a lo. Laimi a si ko mi nih Laiholh in an holh ko hnga lo maw van ti awk in a um. Nain Laimi zong ram tampi ah khuasa mi kan si ve. Kan umnak ram i an holh kha cawn kan i foih ngai ṭheo. Cu caah hi bia hi a rak biapi ngai ṭhan.

Yangon 2004-05 hrawngah khan Lai Baptist Church, Yangon (LBC) nih pangtar ca pakhat an rak chuah. Cucu Laiholh in holh ti a si. LBC chungtel a simi inn paoh ah tar a rak si. Innchungkhar ah Kawlholh a hmangmi an tam, Laiholh a hmang theng lomi zong an rak um caah a si. A cheukhat Yangon um Laimi cu anmah le anmah i chawnhbiaknak zongah Kawlholh kha an hman ṭheo. An kaa a naal deuh hlei ah an caah a thlum khun. Hi thil hi LBC lawng ah a si lo hmun dangdang zongah a simi a si.

Osama Bin Ladin ruak hmanthlak an thlah ngam lo

Visit msnbc.com for breaking news, world news, and news about the economy

Matthai 26:39

“Ka Pa, a si khawh ahcun hi hrai hi ka ṭhialpiak ko. Sihmanhsehlaw keimah duhmi cu si hlah seh, nangmah duhmi tu si ko seh,” tiah (Jesuh nih) thla a cam.

Charlie Chaplin Google Doodle

Czech president zal ah cafung

Hollywood ah Kawlram mi fidi Adrian Zaw

Vawleicung movie lakah mingthang bik a simi Hollywood ah Kawlram mi Adrian Zaw zong fidi aa thla ve. Amah cu Hollywood fidi lawng siloin TV Host & Producer zong a si.

Film minthang pakhat 2006 i thlakmi American Dream zongah a tel ve lawng siloin a dangdang zong ah tampi a thlakmi an um. Cun kan hnu naite i SyFy in an thlahmi The Risistance zong amah cu fidi tuan in aa thla. A rauh hlanah a chuak dingmi Burmese Refugee timi film zongah amah cu fidi a si.

Atu bantuk fidi ah tel dingin a rak i thawknak cu a lakin changreu ei ka rak duhnak in a si tiah amah nih BBC he biaruahnak ah a chim.

Adrian Zaw cu biachim zuamnak le fidi lei zongah laksawng tampi a hmumi a si. Siangngakchia a rak si lio California State chung dihlak biachim zuamnak ah amah nih Champion pakhatnak a rak hmuh.

Andrian Zaw (Kyi Maung Zaw) cu kum nga a si in US ah ralzam dirhmun in a pemmi a si. Atu cu kum 26 a si cang. Kum 13 a si in biachim zuamnak le fidi lei ah biatak tein aa tel i laksawng zong phun 60 leng a hmumi a si.

www.myspace.com/andrianzaw

www.alivenotdead.com/adrianzaw

Ch: BBC

WWE Wrestlemania XXVII 2011

Vawleicung minthang lentecelh phunkhat a simi wrestling cu zarhtin an i thua. Cu an i thuatmi ah a hleikhun in kumkhat ah voikhat an i thuahmi wrestlemania 27 cu kan hnu April 3, 2011 zarhpi zan Atlanta, GA, USA ah an i thua hna. Wrestling thuatnak hmun Georgia Dume in a zohkho mi minung an dihlak ah 71,617 an si.

Wrestlemania 27 i a thuami hna cu:

The Streak vs. The Game
The Undertaker vs. Triple H

WWE Championship Match
John Cena vs. The Miz

World Heavyweight Championship Match
Edge vs. Alberto del Rio

The Viper vs. Straight Edge Savior
Randy Orton vs. CM Punk

Special Guest Referee “Stone Cold” Steve Austin
Jerry “the King” Lawler vs. Michael Cole (w/ Jack Swagger)

Rey Mysterio vs. Cody Rhodes

John Morrison, Trish Stratus & Snooki vs. Dolph Ziggler & Lay-Cool

Cun a dangdang:
Kane; the Big Show; Kofi Kingston; the Nexus; Wade Barrett; the CORRE; Christian; Sheamus; WWE a telmi a dangdang hna an si.

Wrestling TV an thlahmi cu holh phun 30 in ram 145 nih an piah i minung 500 million leng nih an rak zoh ve. WWE an zungpi cu Stamford, Conn., ah a si i zung pehtlai hna cu New York, Los Angeles, London, Shanghai, Singapore le Tokyo ah an um. Capitol Wrestling Corporation Ltd cu 1952 ah an rak dirh. A min cu aa thleng lengmang i 2002 ah World Wrestling Entertainment, Inc. tiah an thlen i atu tiang an hman.

Online in zoh a duhmi ve mi caah WWE Wrestlemania XXVII 2011

IE9 le Firefox 4 thar an chuak

Microsoft's Internet Explorer 9 cu zapi sin an thlah cawn nikhat zanlei tiangah 2.35 million nih download an tuah. Second pakhat ah hin voi 27 leng an download i second 9 ah 240 leng an download.

IE9 Beta an rak chuah ka ah cun a nikhat nak ah 1 million lawng nih an download. Microsoft nih a thar an chuahmi IE9 cu Window 7 le Vista lawng ah rawn khawh an si. A ruang cu blockade i chawhlehthal karh duhnak caah a si.

Firefox 3.5 cu an chuah ka (2009) suimilam tlawmpal ah 1 million hrawng nih an download. Firefox 3.0 bal cu 8 million nih an chuah hmasabik suimilam 24 chungah an download.

Firefox 4 a thar cu March 22, 2011 cawn nihnih ah khan an chuah than. An chuah tlawmpal suimilam 24 chungah 6 million nih download an tuah.

Microsoft nih an chuahmi IE9 cu kan hnu thla March 14, 2011 zarhpini ah khan zapi sinah an thlah cu a si.

Download IE9
Download Firefox 4

Ch: siliconindia, developerFusion